DRINK (REG) EN BESTUUR, JA
Dié tyd van die jaar het baie Suid-afrikaners mos nie brieke as dit by die kêrel met die kurkhoed kom nie. Hier by Platteland is ons self lief vir ’n wyntjie, maar ’n mens laat sak jou kop in skaamte oor ons hemelhoë alkoholverwante padsterftesyfer. • Dis hoekom ons mal is oor
Van Loveren se nuwe alkoholvrye “vonkelwyn”. Jy kan behoorlik fuif en twéé bottels Papillon Sparkling Blush (van rooi muskadeldruiwe) of Papillon Sparkling White (van wit muskadeldruiwe) wegslaan as jy wil, maar steeds met ’n rein gewete agter die stuur inskuif. Dit kos tussen R35 en R40 per bottel by supermarkte en drankwinkels landwyd.
vanloveren.co.za • Inah se druiwesap word van suiwer kultivardruiwe – merlot, cabernet sauvignon en shiraz – gemaak. Geen suiker word bygevoeg nie en danksy die Thermo Flashontrekking s proses wat die doppe en pitte ook pers, spog die sap met dieselfde komplekse geure, pragtige kleur, en antioksidante en fitonutriënte wat jy kry in wyn wat van dié kultivars gemaak word. Anders as ander druiwesap kan jy dit vir tot vier jaar teen ’n konstante temperatuur hou. Die sap het in 2014 ’n bronsmedalje gewen by die Los Angelesinternasionale wyn toekennings .0218813182 inahsuperiorproducts.com