Wegneemkuns in ’ n boks

Dit lyk soos ’n deftige pizzaboks, maar klap jy hom oop, lê daar ’n oorspronklike klein kunswerk van 15 x 15 cm, pragtig geraam en reg vir wegdra. Dis ’n nuwe konsep van Johan Brink (regs op die foto bo), baas van die Bitou-galery op Stormsrivier, en nog drie kunstenaars van dié OosKaapse dorp. Hulle is van links Susan Kemp, Marion Brink en Elzette Bester.

Die vier noem dit regte kuns vir regte mense; basta met neusoptrekkerig ghrênd wees – jy hou daarvan of nie (en teen R895 elk is dit boonop heel bekostigbaar). Gaan kyk kleinkuns by die Bitou as jy dié vakansie in die Tuinroete gaan draai, of kies iets moois op die webwerf stormsriverart.co.za.