Plant (of borg) ’n boom

Om ’n boom te plant is waarskynlik een van die beste dinge wat jy vir die aarde en die nageslag kan doen – en moet tog nie ’n flou verskoning gebruik soos “ek het nie tyd” of “ek het nie plek” nie. Met ons besoek aan Wildernis en Hoekwil (bl. 42) het die plakkaat van The Precious Tree Project ons oog getref. Dié organisasie probeer iets doen aan die feit dat net 30% van die Tuinroete se inheemse woude oor is: Hulle eerste mikpunt is om 1 000 bome (in groepe van 40 inheemse bome op 25 verskillende plekke) te plant. Jy kan ’n inheemse boom koop vir net R150 – en jy kry ’n sertifikaat met Gps-koördinate wat jou inlig waar vrywilligers hom geplant het. Precious Tree Project 1000precioustrees@gmail.com