Van visblikke tot visstories

LINKS BO Oom Jan Fourie, plaaslike skrywer en historikus, is die eienaar van die Strandveldmuseum op Franskraal. Hy ken dié wêreld se stories en geskiedenis soos die palm van sy hand, en ’n begeleide toer deur die museum is ’n belewenis.

REGS BO Gansbaai Marine is die dorp se grootste visfabriek. Blikkiesvis, hoofsaaklik sardyne en ansjovis, word hier verwerk en verpak, maar ook vismeel – en die gepaardgaande klankie op die wind – word hier geproduseer. ONDER Sharman Geldenhuys, die bibliotekaris, en haar assistent, Busiswe Mtatase, laat dinge vlot by Gansbaai se spoggerige biblioteek. Buiten Afrikaans en Engels is daar ook ’n groot versameling Xhosa-literatuur. Volgens Sharman is die meeste besoekers ouer mense, en sy is teleurgesteld dat al hoe minder van die dorp se jong klomp daar aandoen. “Vandag houkinders hulle mos net besig met ipads en sulke goed!” >