Op sy pos

Mario Davy is al sewe jaar die petroljoggie by een van die dorp se kleiner vulstasies. Hier’s net twee pompe, en daarom kan die rye karre in “spitstyd” lank raak. Mario werk van Maandae tot Saterdae van 06:00 tot 18:00. Soms is daar ander joggies wat hand bysit, maar meestal hou hy manalleen motoriste se wiele aan die rol. Oor Kersvakansies, wanneer die dorp die meeste besoekers ontvang, raak dinge dol, sê hy.