In breë trekke
KLOKSGEWYS VAN LINKS BO Sal enigiemand kom sukkel by dié huis op Kleinbaai met so ’n waghond by die voordeur?
• ’n Klompie kinders ginnegaap vroegoggend in die buurt Masakhane vir die kamera.
• By die Tiekiedraai-antiekwinkel kan jy lánk snuffel tussen ougoed en mooigoed, alles uit die omgewing.
• Die naburige Blompark op ’n Sondagoggend. Al die strate hier is genoem na inheemse blomme.
• Die Sea View Tavern is ’n instelling op die dorp. Karaoke is groot op Saterdagaande, en die tonge sowel as die vuiste kan lekker klap hier.
• Dawn Todd, oorspronklik van Kaapstad, het vyf jaar as kroegdame gewerk by die Sea View Tavern. Sy beskou haarself steeds as die beste bar lady in die geweste – al is sy afgetree.