GOEIE GOGGAS VS. PESTE EN PLAE

Tans vier die tuin fees, maar so ook die onkruid, peste en plae. Agro-organics, wat spesialiseer in organiese landbouprodukte, het nou ook van dié produkte vir die huistuinier beskikbaar gestel.

Strauss Ferreira, eienaar van Agro-organics, was eers ’n landbounavorser oor wingerdsiektes. “Ek het op verskeie biologiese produkte afgekom met groot potensiaal vir die beheer van siektes en insekte op wingerd,” sê hy. “Ek het ook te doen gekry met organiese boerderypraktyke. Die gedagte om weg te doen met chemiese middels het my laat besluit om ’n besigheid te begin.”

Strauss sê in 2000 was daar net ’n handjie vol organiese boere in Suid-afrika, maar tans maak baie boere van dié produkte gebruik, veral omdat daar ’n groter aanvraag na organiese vrugte en groente is. Laasjaar het Agro-organics vyf produkte vir die huis- en tuinmark bekend gestel.

XTERMINATOR word gemaak van krisantblomolie wat uit Kenia ingevoer word en werk op die senustelsel van die insek. Insekte bou nie maklik weerstand op teen die produk nie.

CITRO-CURE bestaan uit sitrusolie, met die aktiewe bestanddeel limonien. Dié stof los die chitien in die insek se skelet op en droog só die insek uit.

BIO-NEEM word vervaardig met neemboomolie uit Indië en word al meer as 200 jaar gebruik vir insekbeheer.

BIO-INSEK bestaan uit die spore van die swam Beauveria

bassiana, ’n parasiet op meer as 400 insekspesies.

BIO-IMPILO, wat as blaarvoeding aangewend kan word, bevat metaboliete van die Tricho

derma- swam, wat plantweerstand aktiveer en algemene groei en wortelgroei stimuleer. Prys R60 vir elke produk.

Kontak 021 851 2403 agro-organics.co.za