Ge­rook­te­ris­sie­sous

Weg! Platteland - - Gerookte Geur -

Maak 500-750 ml

Be­rei­dings­tyd 10 mi­nu­te

Gaar­maak­tyd 1 uur

As jy gaan­de is oor ris­sie­sous, ver­al die ei­e­soor­ti­ge rokerige geur van chi­pot­le­sous wat in Mex­i­kaan­se ge­reg­te ge­bruik word, móét jy een­vou­dig hier­die re­sep pro­beer. Die hoe­veel­heid ris­sies wat jy by­voeg, sal be­paal hoe warm die sous is. Pro­beer ’n ba­lans vind so­dat die bran­de­rig­heid nie die rokerige geur oor­heers nie.

Jy be­no­dig

• 4 rooi soet­ris­sies

• 3-4 vars ja­la­peño­ris­sies, ver­kies­lik rooi (sien die wenk)

• 3 rooi ta­ma­ties

• ¼ kop­pie (60 ml) o­lyf­o­lie

• 1 ui, fyn­ge­kap

• 4 knof­fel­hui­sies, fyn­ge­druk

• 2 tee­le­pels (10 ml) heel ko­myn

• ½ tee­le­pel (2,5 ml) fyn ka­neel

• ½ tee­le­pel (2,5 ml) fyn won­der­pe­per ( all­spi­ce)

• 1-2 tee­le­pels (5-10 ml) ge­rook­te S­paan­se pa­pri­ka

• 1-2 tee­le­pels (5-10 ml) droë ris­sie­vlok­kies (na smaak)

• ¼ kop­pie (60 ml) sjer­rie-a­syn (of wita­syn)

• 2 eet­le­pels (30 ml) sui­ker

Só maak jy

Be­rei die ro­ker voor. Plaas ’n A4-stuk foe­lie op die rook­rak­kie. Sny die soet­ris­sies en ris­sies mid­del­deur en ver­wy­der die pit­te en mem­braan. Hal­veer ook die ta­ma­ties en pak al­les met die sny­kant na bo op die foe­lie. Drup 2 eet­le­pels (30 ml) van die o­lyf­o­lie oor, sit die dek­sel op en rook dit vir 30 mi­nu­te.

Ver­hit in­tus­sen die res van die o­lyf­o­lie in ’n pan en braai die ui vir 5 mi­nu­te tot sag. Voeg die knof­fel en spe­se­rye by en braai dit tot dit geu­rig is.

Haal die groen­te uit die ro­ker, sny dit in gro­te­ri­ge stuk­ke en voeg dit saam met al die sap­pe by die uie. Voeg die a­syn en sui­ker by en prut dit vir 30 mi­nu­te tot die meng­sel dik word. Pols dit met ’n staaf­men­ger in die ka­strol en ver­hit dit dan weer tot kook­punt. Proe en voeg nog pa­pri­ka, droë ris­sie­vlok­kies of sui­ker na smaak by. Die sous moet baie geu­rig en taam­lik bran­de­rig wees. Skep dit in klein ge­ste­ri­li­seer­de glas­fles­se en draai die dek­sels op.

Sit die fles­se in ’n groot ka­strol met wa­ter en laat dit vir 30 mi­nu­te prut. Die fles­sies sous sal nou vir min­stens ’n jaar op die spens­rak hou. As jy nie lus is vir dié laas­te stap nie, kan jy net die ver­se­ël­de fles­se in die ys­kas hou of die sous in klei­ner por­sies vries.

WENK In­dien jy nie vars rooi ja­la­peño­ris­sies in die han­de kry nie, kan jy e­ni­ge an­der ma­ti­ge brand­ris­sie rook en dit bie­tjies­bie­tjies na smaak by die sous voeg. Jy kan die vars ja­la­peño’s ook ver­vang met droë klaar­ge­rook­te chi­pot­le­ris­sies wat by Wool­wort­hs te koop is en wat sorg vir ’n heer­li­ke diep rokerige geur eie aan Mex­i­ko.

Plat­te­land sê Ge­bruik die ris­sie­sous om jou an­der ma­ri­na­des vir die braai, pas­ta­sou­se en doop­sou­se op te kik­ker. Roer dit deur ma­yon­nai­se of jo­gurt vir ’n kits­doop­sous of meng dit met ’n gesmoor­de ta­ma­tie­sous om oor pas­ta te skep. Dit is ook heer­lik in braai­ma­ri­na­des, ver­al vir hoen­der en vark – ge­bruik dit saam met suur­le­moen­sap en o­lyf­o­lie. >

Newspapers in Afrikaans

Newspapers from South Africa

© PressReader. All rights reserved.