Gerookte wors met gerookte-uiemarmelade
Genoeg vir 4
Bereidingstyd 5 minute
Gaarmaaktyd 45 minute
Jy kan enige wors – selfs boerewors – met dié metode rook en dit dan warm of koud voorsit.
Jy benodig
• 250 g wors
• 4 rooiuie, middeldeur gesny
• ¼ koppie (60 ml) suiker
• ¼ koppie (60 ml) sjerrieof balsemiekasyn
Só maak jy
Berei die roker voor. Pak die wors en uie op die rookrakkie, bedek dit en rook dit vir 15 minute.
Kap die uie fyn. Gooi dit saam met die suiker en asyn in ’n pan of kastrolletjie en laat dit vir 30 minute oor lae hitte karamelliseer. Skep die marmelade in twee gesteriliseerde flesse en hou dit verkieslik in die yskas. Sit dit saam met die wors voor.