Blitsige soetsuur piekel
Maak sowat 500 ml Bereidingstyd 10 minute Gaarmaaktyd 5 minute
Dié vinnige piekel is ’n goeie manier om ’n bietjie oorskot knoffel en uie op te gebruik – jy kan dit dadelik gebruik of vir ’n maand in die yskas hou en dit saam met letterlik enigiets geniet!
Jy benodig
• 10 knoffelhuisies • 6 klein uitjies • 4 serrano- of jalapeñorissies • ½ koppie (125 ml) witwynasyn • 1/3 koppie (80 ml) bruinsuiker • ½ koppie (125 ml) water • 1 eetlepel (15 ml) sout
Só maak jy
Verwyder die skil van die knoffel (volg die metode in die rooi kol hieronder) en sny dit in dun skyfies. Verdeel die uitjies in die lengte in kwarte en sny die rissies in ringetjies. Pak alles in ’n fles. Verhit die asyn, bruinsuiker, water en sout tot kookpunt en giet die kokende vloeistof oor die groente in die fles. Draai die deksel op en laat dit heeltemal afkoel voor jy dit in die yskas bêre.
Só maak jy
Breek die knoffelbolle in individuele huisies, bedek dit met kookwater en laat dit vir 30 minute of langer staan – dit help dat die skilletjies maklik loskom. Trek die skille af, sny die wortelpuntjies af en plaas die knoffelhuisies in ’n groot piekelfles.
Meng die asyn, sout en water en giet dit oor die knoffel in die fles. Sit die deksel op en laat dit vir 5-7 dae buite die yskas staan. Maak die piekelvloeistof Laat al die bestanddele vir die piekelvloeistof vir 5 minute saam kook en laat dit eenkant staan om af te koel.
Dreineer die knoffel in die fles, verdeel dit tussen kleiner gesteriliseerde flessies en giet die afgekoelde piekelvloeistof bo-oor. Draai die deksels styf op en laat dit vir 2-4 weke teen kamertemperatuur staan voor jy dit gebruik. (Hoe langer die knoffel staan, hoe sagter sal die geur wees.) Onoopgemaak en teen kamertemperatuur sal die knoffel vir ’n jaar hou, maar hou dit in die yskas sodra jy ’n flessie oopgemaak het.