Wenk

Beesvleis-demi-glace is ’n gekonsentreerde vleisaftreksel met baie meer geur as gewone beesvleisaftreksel, en dit maak dit baie maklik om in ’n oogwink geurige souse te maak. Dis by die meeste supermarkte te kry op dieselfde rak as die aftreksel – dis die moeite werd om daarvoor te soek. Indien jy dit nie in die hande kan kry nie, kan jy dit vervang met ’n paar eetlepels sojasous of 1-2 strooitjies aftreksel (verkieslik Ina Paarman s’n). Voeg net eers die helfte by om seker te maak dis nie te sout nie. >