Perske-tarte tatins
Genoeg vir 6 Bereidingstyd 10 minute Gaarmaaktyd 30 minute
Jy kan hierdie individuele poedings vooraf maak, ontvorm, en net vinnig op die opdienbord verhit voor jy dit voorsit. Die basilieroomys en perskegeur is ’n heerlike somerkombinasie!
Jy benodig
• 4 perskes • ½ koppie (125 ml) heuning • ¼ koppie (60 ml) botter • 2 teelepels (10 ml) vanieljesmeer
( • 500 g blaardeeg • 1 eier, geklits
Só maak jy
Spuit die holtes van ’n groot muffinpan met ’n kleefwerende kossproei.
Sny die perskes in skyfies van ½ cm dik. Verhit die heuning, botter en vanieljesmeer saam. Skep die perskeskyfies in die stroop en prut dit vir 5 minute oor lae hitte. Rangskik die perskeskyfies in een of twee lae onderin die holtes van die muffinpan en skep 2-3 eetlepels stroop bo-op. Sit dit vir minstens 1 uur in die yskas sodat dit goed koud word.
Verhit die oond tot 180 ºc. Sny die blaardeeg in vierkante wat net-net groter is as die muffinpan se gate. Sit die deegvierkante bo-op die vrugte en vou die oorblywende punte deeg losweg oor. Verf die deeg met eier en bak dit vir 20-25 minute tot goudbruin en mooi uitgerys.
Die tertjies kan dadelik bedien word. Lig die deeg versigtig met vrugte en al uit die pan en sit dit voor met die vrugte na bo – met ’n skeppie basilieroomys bo-op (resep hiernaas). As die deeg en vrugte van mekaar af loskom, dop eenvoudig die deeg om en skep die vrugte en sous met ’n teelepel uit die pan.
Sit dit voor