DRENTEL EN KOOP
• Die Uilhuis-en-sementtuin
Helen Martins se veelbesproke Uilhuis en fantasietuin vol sementbeelde is die hoofrede waarom Nieu-bethesda die tipiese verval van soveel ander plattelandse gehuggies vrygespring het. Behalwe Kersdag is dié museum – ’n nasionale monument – elke dag van die jaar oop. Toegangskaartjies is te koop by die besoekersentrum en winkel by die Uilhuisstigting se kantoor in Martinstraat – dit kos R60 p.p. vir die Uilhuis of R85 om die Uilhuis én James Kitching-fossielverkenningsentrum te besoek.
Waar? Rivierstraat. Tyd 09:00-16:45 (Maandae tot Sondae); 08:00-17:45 (Desembervakansie)
Kontak theowlhouse.co.za The Owl House theowlhouse1@gmail.com
049 841 1733
• James Kitchingfossielverkenningsentrum
Dié fassinerende sentrum, genoem na ’n wêrelberoemde paleontoloog wat in 1922 op Nieu-bethesda gebore is, skilder ’n prentjie van Suid-afrika 253 miljoen jaar gelede tydens die Permiese tydperk – 50 miljoen jaar voor die eerste dinosourusse! Dit sluit in ’n begeleide toer na die droë Gatsrivierbedding waar ’n gids verskeie fossiele aan jou sal uitwys. Waar? Hoek van Martin- en Hudsonstraat. Tyd 09:00-17:00 (gesluit op Sondae) Kontak 049 841 1733
• Fossiele en rotskuns by die Ganora-gasteplaas
Behalwe bobaas blyplek bied JP en Hester Steynberg toere aan na die rotskuns, fossiele, medisinale plante en meerkatrehabilitasiesentrum op hulle plaas. Hester is boonop een van die eiendomsagente op die dorp en sal kan help as ’n erf of huis jou oog gevang het! Waar? ± 9 km buite die dorp. Kontak ganora.co.za Ganora Guest Farm ganoraguestfarm@gmail.com 049 841 1302 of 082 698 0029
• Doen ’n donkiekartoer
Jacob van Staden bied sedert 1997 donkiekartoere aan deur die dorp en Pienaarsig. Waar? Onder die peperboom oorkant die Uilhuis in Rivierstraat. Kontak 072 987 9831
• Dustcovers-boekwinkel
Victoria Nance en Nico Zaverdinos verkoop ’n merkwaardige verskeidenheid tweedehandse fiksie-, niefiksie- en versamelaarsboeke asook nuwe plaaslike Engelse poësiebundels en boeke met ’n Karootema. Waar? Hudsonstraat. Tyd 10:00-16:00 (Maandae tot Sondae – buite seisoen is die winkel dikwels gesluit op Sondae en Dinsdae) Kontak victorianance@hotmail.com 082 517 0045 ( Victoria) of 072 987 9831
• Blue Cupboard Honesty Shop by Reinethuis Honey Company
Natuurlike lyfprodukte met heuning en byewas, plaaslike heuning, tweedehandse boeke en ingemaakte produkte is te koop by Reinet le Roux en Anya Gerryts se huis. Hulle was he- laas uitdorpig tydens Platteland se besoek. Waar? Hoek van Grave- en Martinstraat. Kontak The Honesty Shop at Reinethuis Honey Company reinethuis@gmail.com 083 400 2705
• Marette se bank by The Lookout
Vat iets lekkers saam en ry laatmiddag na The Lookout omtrent 3 km buite die dorp en gaan sit op Marette se bank vir ’n lieflike uitsig oor die dorp en Komposberg. Die bank is in Junie 2013 opgerig ter nagedagtenis aan Marette ( Wolfaardt) Pienaar van die plase Bloukrans, Steilkrans en Zonnenstrahl.
Waar? Ry met Martinstraat uit die dorp in die rigting van Graaff-reinet en draai regs by die T-aansluiting.