KUNS VIR KYK EN KOOP
’n Groot verskeidenheid kunstenaars woon en werk op Nieu-bethesda.
• Ware on Earth Ceramic Studio
Die kontemporêre keramiekkunstenaar Charmaine Haines en haar man, Martin, wat homself ’n “studio potter” noem, verkoop hulle werk in hulle eie galery. Bel vooraf om dit te besigtig. Waar? Hoek van Kerk- en Immelmanstraat. Kontak charmainehaines.co.za 049 841 1767 of 078 777 1966
• Frans Boekkooi Sculpture Studio & Gallery
Die beeldhouer Frans Boekkooi werk steeds in sy ateljee in Pienaarstraat anderkant die rivier, maar het nou ’n galery op GraaffReinet oopgemaak.
Waar? Karoo Trade-sentrum, Kerkstraat 20, Graaff-reinet.
Kontak fransboekkooi.co.za 082 228 7228 (Frans op Nieu-bethesda) of 079 241 7676 (Barry by die galery) Albert Redelinghuys Die werk van die hoogaangeskrewe stilleween landskapskilder Albert Redelinghuys kan slegs per afspraak besigtig word. Waar? Pienaarstraat. Kontak a.r.stilte@gmail.com 082 466 7908
• Bethesda Arts Centre and Gallery
Die beeldhou-, skilder-, druk- en tekstielkuns van plaaslike townshipkunstenaars word hier ten toon gestel en verkoop. Daar is ook ’n restaurant en koffiewinkel. Waar? Mullerstraat. Kontak bethesdafoundation.org 049 841 1731
• Uile, meerminne en draadkuns buite die Uilhuis
Inwoners van Pienaarsig, onder meer Koos Malgas se dogter Boksie en kleinseun Justin, verkoop bekostigbare beeldjies wat deur dié in die sementtuin van die Uilhuis geïnspireer is. Daar is ook draadkuns en vetplante te koop. Waar? Rivierstraat, regoor die Uilhuis.
Kontak bethesdafoundation.org 049 841 1731