Vark­vleis ge­bak in kar­ring­melk en si­trus

Weg! Platteland - - Platteland-eteklub -

Die I­ta­li­a­ners maak hier­die tra­di­si­o­ne­le ge­reg met melk, maar ek hou van die geur wat die kar­ring­melk daar­aan gee. Die ek­stra moei­te om die vleis aan die ein­de te ver­bruin en die sous fyn te maak is ook nie tra­di­si­o­neel nie, maar sorg dat die kos net so mooi lyk as wat dit smaak. Jy kan al­les die dag voor die tyd doen en dit net op­warm en die vleis on­der die roos­ter­e­le­ment ver­bruin wan­neer die gas­te ge­reed is om aan te sit.

Ge­noeg vir 6 Be­rei­dings­tyd 5 mi­nu­te Gaar­maak­tyd 3 mi­nu­te

Jy be­no­dig

• 1 ont­been­de vark­boud, -blad of

-len­de­stuk van 1,5 kg • 400 g ba­ba-rooi­uit­jies, ge­skil ( jy kan ook

sa­lot­te of pie­kel­ui­tjies ge­bruik) • 10 vars sa­lie­bla­re • 2 kop­pies (500 ml) kar­ring­melk of jo­gurt • 2 kop­pies (500 ml) melk • 1 blok­kie vleis­af­trek­sel • 2 nar­tjies of 1 le­moen • 4 heel knof­fel­hui­sies • 1 tee­le­pel (5 ml) sout • ½ tee­le­pel (2,5 ml) vars­ge­maal­de

swart­pe­per • ’n bie­tjie room of bot­ter om die sous

te ver­ryk (op­si­o­neel) • ek­stra sa­lie­bla­re en bot­ter

vir gar­ne­ring (op­si­o­neel)

Só maak jy

Ver­hit die oond tot 150 ºc. Sny die vark­vleis se vel af, maar be­hou die vet. Ver­hit ’n groot swaar­boom­ka­strol op die stoof­plaat en sit die vark met die vet­kant na on­der daar­in. Braai dit so­dat van die vet kan uit­braai voor­dat jy die vleis o­ral­oor ver­bruin – dit sal 5-10 mi­nu­te neem. Lig die vleis uit die ka­strol, sit die ui­tjies en sa­lie daar­in en so­teer dit vir 5 mi­nu­te in die uit­ge­braai­de vet. Skep die ui­tjies met ’n gaat­jies­le­pel uit en gooi die vet af.

Skep die ui­tjies en vark­vleis, dié slag met die vet­laag na bo, te­rug in die ka­strol. Gooi die kar­ring­melk of jo­gurt, melk, af­trek­sel, die sap en skil van 1 nar­tjie (of ’n hal­we le­moen), die knof­fel en sout en pe­per om die vleis.

Sit die dek­sel op en bak dit vir 2-3 uur in die oond. Skep die vleis, si­trus­skil en sa­lie­bla­re uit die ka­strol. Ge­bruik ’n staaf­men­ger en pols die ui en pan­sap­pe tot ’n dik, ro­me­ri­ge sous. Ras­per die o­ri­ge nar­tjie (of hal­we le­moen) se skil by die sous en voeg die sap by. Proe en geur dit ver­der na smaak met sout, pe­per en ’n bie­tjie room of bot­ter. Skep die vark te­rug in die sous met die vet­kant na bo. Ver­hit die roos­ter­e­le­ment en bak die vleis son­der die dek­sel tot dit mooi goud­bruin is. Sny die vleis in sky­we en sit dit voor met die sous.

Pu­re plat­te­land Vir ek­stra be­derf kan jy nog ’n paar sa­lie­bla­re in bot­ter braai. Gar­neer die vleis dan net voor op­die­ning met die ge­braai­de sa­lie­bla­re en skroei­bot­ter­sous.

Newspapers in Afrikaans

Newspapers from South Africa

© PressReader. All rights reserved.