Lesers klap die sweep
Esoteriese waansin?
Het Platteland nou sowaar verander van ’n nuttige, onderhoudende tydskrif oor die plattelandse leefwyse in ’n Gaia-agtige New Age-propagandablad? Met die onsin oor die mis-in-koeihoringdoepa in julle artikel oor biodinamika (Herfs 2017) het julle nou ’n totaal onaanvaarbare vlak van onwetenskaplike wensdenkery bereik. (Terloops, ’n koei is nie die vrugbaarste dier op aarde nie – ’n vlieg of brommer produseer baie meer kleintjies.) Bly asseblief weg van hierdie soort toorkunste en astrologie.
Intussen bly ons lekker hier op die platteland, waar ek inheemse bome kweek sonder bygeloof en bose energie. Johannes de Koning, TSUMEB, NAMIBIË
Skokkende artikel!
Ek het onlangs in die Herfsuitgawe van Platteland ’n kort artikel oor Angela Tuck se winkel, Hello Tuck, op Riebeek-kasteel gelees. Ek was diep teleurgesteld om te sien die artikel fokus uitsluitlik op die feit dat sy die vrou van Max du Preez is pleks van op haar werk, winkel of produkte.
As kreatiewe mense kan ons in die 21ste eeu op ons eie bene staan. Ons hoef nie met iemand getroud te wees om iets van onsself te maak nie. Angela se werk is goed genoeg en sy het nie enige soort nepotisme nodig nie. Georgina Berens, KAAPSTAD Die“artikel”het glad nie oor me.tuck se winkel gehandel nie, maar was ’n kort brokkie onder die opskrif“ontmoet Kasteel se mense”.me.tuck is eerstens bekend gestel as ’n grafieseontwerper wat die eienaar is van Hellotuck in die Kortstraat-ontwikkeling en daarna is genoem dat sy met Du Preez getroud is. Dit was beslis nie die“fokus”van die“artikel”nie. – Reds.
Hokaai, Heidelberg
Ek het met groot opgewondenheid die Herfsuitgawe van Platteland gekoop toe ek sien julle skryf oor Heidelberg, maar nou is my hart stukkend! Hoe is dit moontlik om ’n artikel oor die dorp te doen sonder om die geskiedenis van die Heidelbergse Onderwyskollege (HOK) in te sluit wat amper 60 jaar deel was van die dorp voor dit in 1967 sy deure moes sluit om plek te maak vir die Weermag?
Almal van ons wat deel was van die HOK sal Heidelberg nooit vergeet nie, al het Platteland van ons vergeet. Op 24 September 2017 op Erfenisdag hou die HOK ’n groot reünie by die Voortrekkermonument... sê nou net
Platteland kan ’n artikel daaroor plaas? Marietjie Raath (née Van Wyk), GAUTENG