Kyk aalwyne in die natuur
’n Paar kenners deel hulle gunstelingplekke om aalwyne in die veld te bewonder.
ERNST VAN JAARSVELD
Vetplantkenner “In Mpumalanga kom die grootste verskeidenheid aalwyne voor. Dit sluit in die bergaalwyn ( Aloe marlothii), geelaalwyn ( Aloe cryptopoda), wickensaalwyn ( Aloe wickensii) en die katstertaalwyn ( Aloe castanea). Die Oos-kaap is net so mooi as die bittteraalwyn ( Aloe ferox), uitenhaagaalwyn ( Aloe africana), slaphoringaalwyn ( Aloe speciosa) en fransaalwyn ( Aloe pluridens) blom.”
LEO THAMM
Sunbird Aloes “Die grootste verskeidenheid aalwynspesies blom in die winter en is goed versprei deur die land, maar baie bevolkings naby die hoofweë is onder geweldige druk weens onwettige versameling. Die beste blomme sien jy weg van die paaie.
“Daar is nog bitteraalwyne ( Aloe ferox) naby die N2 in die Oos-kaap en Tuin
roete te sien. Kwazulu-natal spog weer met kandelaaraalwyne ( Aloe cande
labrum) en Aloe spectabilis naby die N3, terwyl daar in Mpumalanga bergaal wyne ( Aloe marlothii) te sien is op die pad na Barberton en lieflike rokaalwyne ( Aloe
alooides) op die pieke van die platorand. Tussen Johannesburg en Bela-bela
is die veld in sommige laatwinters pienk van die bontaalwyne ( Aloe greatheadii) en in die Karoo en Namakwaland kry jy soms ’n kleurryke kol aalwyne, gewoonlik voor die lenteblomtyd.”
MALCOLM HEPPLEWHITE
Witkoppen Wildflower Nursery “Ek kan my verwonder aan die vertoning van die massas bitteraalwyne ( Aloe ferox) wat gelyktydig in die Suid-kaap blom, en die bergaalwyne ( Aloe marlothii) van die ou Transvaal. In Maart is die Aloe
fosterii naby Lydenburg en Orighstad in Mpumalanga ook besonders.”
HANNES VILJOEN
Rooiklipkwekery “As jy in die koue maande deur Swellendam, Riviersonderend en Albertinia in die
Suid-kaap ry, sien jy die bitteraalwyne oral blom met geel, rooi, oranje en selfs wit kandelare. Die Bonteboknasionale park, op Swellendam se voorstoep, is noemenswaardig met sy groot kolonies aalwyne wat tot 3 m hoog staan.”
GIDEON F. SMITH
Skrywer van verskeie aalwynboeke • die bergaalwyn ( Aloe marlothii), in die
noordoostelike Bosveldstreke (winter); • die Natalaalwyn ( Aloe spectabilis) in die
Kwazulunatalse Middelland (winter); • die Transvaalaalwyn ( Aloe davyana) in die grasveld van die noordvrystaat en Gauteng (winter); • die kokerboom ( Aloidendron dichoto
mum) in die Noordweskaap (herfs tot lente, piek in die winter); • die uitenhaagaalwyn ( Aloe africana) in
die Ooskaap (winter); • die Karooaalwyn ( Aloe ferox) in dele van die Kleinen Grootkaroo, in die Suiden Ooskaap (winter); • die slangaalwyn ( Aloe broomii) in die Grootkaroo en Noordooskaap (laatwinter tot lente); en • die kandelaaraalwyn ( Aloe candela
brum) in die Kwazulunatalse Middelland (winter).