Koop jou aalwyne hier
Hierdie kwekerye hou ’n interessante verskeidenheid vetplante aan en hulle kenners sal jou help om die regte aalwyn vir die regte plek in jou tuin te kies.
LANDWYD SEEDS FOR AFRICA, AANLYN-SAADWINKEL
Seeds for Africa verkoop meer as 2 800 saadvariëteite, waaronder 60 aalwynspesies. “Daar is iets baie spesiaals daaraan om ’n plant van saad te kweek,” sê Grant Muller, die eienaar. “Baie mense vind dit meer vervullend as om ’n plant te koop én dis natuurlik heelwat goedkoper.”
Jy kan verskeie skaars aalwynsaad hier bestel, waaronder die bedreigde kroonaalwyn ( Aloe polyphylla), wat volgens Grant die gewildste is. “Versamelaars is gaande oor dié aalwyn se interessante vorm.” Nie alle aalwynspesies (inheems, eksoties en bedreig) is altyd in voorraad nie – slegs baie vars saad word aangehou.
Kontak seedsforafrica.co.za
ROOIKLIP-AANLYNWINKEL
Rooiklip op Swellendam is die grootste aalwynkwekery in die Weskaap en het ook ’n aanlynwinkel wat aalwynplante landwyd versend.
“Ons wou graag plantliefhebbers wat nie by ons kan kom kuier nie, met ons unieke plante bederf,” verduidelik Hannes Viljoen, medeeienaar, “en vetplante reis natuurlik baie goed.” Die baie skaars reusekokerboom ( Aloe pillansii) is een van hulle aanlyntopverkopers.
Kontak rooiklip.co.za
GAUTENG SUNBRID ALOES, RANDBURG
Sunbird is die enigste kwekery in Suidafrika wat in hibriede aalwynkultivars spesialiseer, en alles word by die kwekery bestuif, gesaai, uitgekies en verbou. Dit is die grootste kwekery wat slégs aalwyne verbou en ook die grootste verskeidenheid aalwynkultivars ter wêreld verkoop! Sunbird is egter ’n groothandelkwekery – besoek die webwerf vir ’n lys van kwekerye reg oor die land waar hulle plante te koop is. ’n Bakkievrag vol Aloehibriede van Sunbird Op 17 Junie word die kwekery oopgestel sodat aalwynentoesiaste die aalwyne op hulle mooiste kan sien en koop. Die kwekery neem ook deel aan die Witkoppen Wildflower Nursery se Groot Aalwynnaweek op 29 en 30 Julie 2017. Waar? Vinelaan 336, Ferndale, Randburg. Kontak sunbirdaloes.co.za 082 824 6604
GARIEP-PLANTE, PRETORIA
Gariepplante fokus op plante uit Afrika en Madagaskar, wat die tuiste is van die meeste aalwynspesies. Hulle gewilde Aloexpo begin vanjaar op 3 Junie: Verskeie aalwynspesies en kultivars asook boeke en tydskrifte oor dié plante sal te koop wees. Waar? Cliffendalelaan 309, Faerie Glen.
Kontak gariepplants.co.za 082 779 2612 >