Mark toe B’bos se maan­de­lik­se plaas­mark is ’n jol­lie ba­saar

Maak op die laas­te Sa­ter­dag van die maand ’n draai by die B’bos-plaas­mark – ’n jol­lie krui­sing tus­sen ’n kerk­ba­saar en ’n kon­trei­saam­trek wat aan dié dor­pie sy eer­ste ver­keers­knoop be­sorg het!

Weg! Platteland - - News - TEKS JO­HAN VAN ZYL FO­TO’S PE­TER VAN NOORD

Soos dit ’n voor­vat­ter be­taam, blits Betsie Slippers van­mô­re deur die Boe­re­ver­e­ni­ging­saal of sy op rol­skaat­se is. Dié vlug­voe­tig­heid is te ver­sta­ne, want wat be­gin het as ruil­han­del tus­sen haar en ’n paar buur­vroue – slaaiblare vir melk, ’n haar­sny vir wer­f­ei­ers, ui­e­plant­jies vir ’n pluk­sel vars groen­bo­ne – het ont­aard in ’n vol­waar­di­ge plaas­mark wat een keer per maand lek­ker­bek­ke van so ver as die Kaap na Baardskeerdersbos lok.

Dis ’n kom­pak­te maar erg so­si­a­le af­fê­re met 30­45 stal­le­tjies waar jy iets van al­les uit die kon­trei kan koop – en ge­na­dig­lik ook nie teen die ver­re­gaan­de pry­se wat jy in die stad sal be­taal nie.

Bring ’n koel­boks saam, want hier wag vaal­en ker­rie­af­val, koud­en warm­ge­rook­te fo­rel, ta­maai werf­hoen­ders, char­cu­te­rie, boe­re­wors en boe­re­wors­rol­le, pas­teie, pan­ne­koek, vrug­te, groen­te en kruie, dro­ë­vrug­te en neu­te, suur­deeg­bro­de, heu­ning, wer­f­ei­ers, ka­se en jo­gurt, kon­fy­te en an­der in­ge­maak­te lek­ker­nye, fyn­proe­wer­s­koek en klein­koe­kies... En die­ge­ne wat ’n es­te­tie­se lus wil blus, sal hou van die blom­me, kuns­wer­ke, fo­to’s, ho­pe hand­werk, kra­le, ju­we­liers­wa­re, hand­sak­ke,

HOOFFOTO Die plaas­li­ke mark­gan­gers is vroeg uit die ve­re. INLAS HEEL BO Betsie Slippers. INLAS BO ’n Deel van die mark­saal.

strooi­kus­sings en ge­fer­men­teer­de, vel­sorg­en skoon­heids­pro­duk­te.

• Die mark word die vol­gen­de drie maan­de op 30 Sep­tem­ber, 28 Ok­to­ber en 25 No­vem­ber ge­hou. Die amp­te­li­ke ure is 09:00 tot 12:00.

B-bos Plaas­mark te Baardskeerdersbos in Gans­baai om­ge­wing ( Wes-kaap) 083 655 5545 (Betsie Slippers)

Newspapers in Afrikaans

Newspapers from South Africa

© PressReader. All rights reserved.