TOEKA SE TUISKOOP
Wat ’n gawe verrassing om in die artikel oor Tuiskoop op Ermelo (Herfs 2017, #14) te sien tannie Ona Enslin is nog aan die gang en lyk so goed op 82! Ek het op ’n plaas buite Ermelo grootgeword, maar was ’n lidmaat van die NG kerk op Chrissiesmeer waar tannie Ona jare lank die orrelis was. Ek onthou die groot canfruitbottels nastergalkonfyt wat sy gekook en wat ons by die plaaslike kafee gekoop het.
Dit is ook verblydend om te sien dat Tuiskoop op Ermelo steeds so hoog geag word en goed vaar.