Uilhuis ‘bevorder’
Die vorige uitgawe van Platteland was skaars in die winkels of ons ontvang die heuglike nuus dat die Suid-afrikaanse Erfenishulpbronagentskap (SAEHA) ná verskeie vertoë oor die jare van plan is om Helen Martins se Uilhuis en sy kameelwerf op Nieu-bethesda tot ’n Nasionale Erfenisterrein (graad 1) te verklaar.
Die Uilhuis, wat internasionale erkenning geniet as ’n baken van outsiderkuns, is in 1990 voorlopig tot nasionale monument verklaar en dié status is in 1995 vir nog vyf jaar verleng. Sedertdien het verskeie aansoeke by die ou Raad vir Nasionale Gedenkwaardighede en sy opvolger, SAEHA, op niks uitgeloop nie, maar nou is daar uiteindelik lig in die tonnel.
Platteland beveel ’n besoek aan die Uilhuis en Nieu-bethesda sonder enige voorbehoud aan – dis nou pure, propperse, plesierige platteland!
theowlhouse.co.za