As jy snuffel, sal jy vind
Van die vondste op ons reis deur die platteland: Links is ’n Art Deco-koffietafel wat ons by The White Elephant op Aberdeen opgespoor het. Die broodrooster in die middel het ons in die vol rakke van Toeka tot Nou op Middelburg opgespoor – hy is in die jare twintig van die vorige eeu gemaak en was nog in ’n werkende toestand. Ons moes hom net mooi blinkvryf. Die grasieuse retro-stoeltjie regs het tussen ’n klomp bal-en-klou-eetkamerstoele weggekruip by More for Less op Cradock.