VAT VERKOUES VAS
Winterstroop
Maak 1 bottel
As die winter verby is en die lieflike lentedae is weer met ons, dink ’n mens maklik die gevaar van ’n lelike verkoue is verby. Allermins...
JY BENODIG
• 6 knoffel- of wildeknoffelhuisies, geskil en fyngekap • ½ koppie (125 ml) suiwer heuning • ¼ koppie (60 ml) appelasyn of vars suurlemoensap • ½ koppie (125 ml) water
SÓ MAAK JY
Skud die knoffel en al die ander bestanddele in ’n glasfles en laat dit vir 24 uur staan om te trek. Giet die mengsel deur ’n fyn sif of moeseliendoek om die stroop van die knoffel te skei en bêre dit in ’n bottel in die yskas. Drink 1 eetlepel (15 ml) van die stroop elke 4-6 uur as die eerste kieme kop uitsteek.