Tongblaar
Rumexlanceolatus
Ander name Gladdetongblaar (Afrikaans); common dock, smaller dock, smooth dock (Engels); idolonyana (Xhosa); idolo lenkonyane (Zoeloe); khamane, kxamane, molokoli, potaka-leleme (Sotho)
Tongblaar is familie van die suring en rabarber, en spog met groot, gladde, groen blare wat baie soos spinasieblare lyk. Dit word in talle lande as ’n onkruid geklassifiseer en kom ook vrylik voor in Suid-afrika, Namibië, Lesotho, Botswana en Zimbabwe, veral langs riviere, damme en ander klam plekke. Medisinale gebruike Rumex lanceola
tus is ’n tradisionele geneesmiddel vir ingewandsparasiete (soos lint- en rondewurm), hardlywigheid, vaskulêre siektes en interne bloeding. Hiervoor word die wortel in water of melk gekook en die aftreksel gedrink. Vir uitwendige gebruik word die wortels en blare fyner geslaan en dié “pap” dan op wonde, sere, absesse, pitswere en swelsels gepak om dit op te klaar. Die blare bevat potensieel toksiese oksaalsuur en moet dus liefs nie inwendig gebruik word nie.
Kweek dit self Die plante is waarskynlik te groot en onnet vir kleiner tuine (en hulle blomme is vergeetbaar). Kies ’n klam plek in die tuin en hou dit goed dop sodat dit nie oorneem nie.