Bone-en-patatfalafels
Hierdie vegetariese bolletjies kan net so geeët word – koud óf warm – maar hulle is ook baie lekker met ’n ekstra skeut guacamole en suurlemoensap.
Genoeg vir 4 Bereidingstyd 20 minute Gaarmaaktyd 10 minute
JY BENODIG
• 2 patats (400 g) • ½ koppie (125 ml) hawermout • ½ koppie (125 ml) pampoenpitte • 2 blikkies (410 g elk) swartbone • ½ koppie (125 ml) fyngekapte rooiui • 2 eetlepels (30 ml) olyfolie • 1 teelepel (5 ml) heel komynsaad • 1 teelepel (5 ml) rissievlokkies • 1 teelepel (5 ml) sout • 1 teelepel (5 ml) varsgemaalde
swartpeper • suurlemoensap na smaak • olie vir vlakbraai
SÓ MAAK JY
Steek die patats met ’n vurk vol gaatjies en sit dit vir 6-10 minute in die mikrogolf tot dit gaar en sag is. Trek die skille af en druk die patat fyn – jy het uiteindelik ongeveer 2 koppies nodig.
Gooi die hawermout en pampoenpitte in ’n voedselverwerker en pols dit fyn. Hou dit eenkant.
Dreineer die bone en pols dit saam met die ui en olyfolie in die voedselverwerker. Krap die mengsel uit in ’n bak en roer die hawermoutmengsel saam met die komyn, rissie, sout en peper daarby in. Geur dit na smaak met suurlemoensap. Meng nou ’n paar lepels patat op ’n slag by totdat die tekstuur van die mengsel reg is om bolletjies te vorm ( jy gaan dalk nie al die patat gebruik nie.)
Braai die bolletjies in vlak olie tot goudbruin en gaar en sit dit voor met brood en geroosterdesoetrissiepesto – blaai om vir die resep. >