RESEP #2

Skottelgoedpoeier

Ek was skepties oor dié Spotless-resep, veral omdat die mengsel glad nie skuim nie, maar alles was mooi skoon!

JY BENODIG

• 1 koppie (250 ml) koeksoda • 1 koppie (250 ml) Engelse sout

SÓ MAAK JY

Meng die bestanddele, bêre dit in ’n lugdigte glasfles en gebruik 1-2 eetlepels (15-30 ml) per wasbak skottelgoed. Voeg 2 eetlepels (30 ml) sitrusskilasyn of suurlemoensap by as die skottelgoed baie vetterig is.

UIT DIE WINKEL

Earthsap Citrus Dishwashing Liquid Ek gebruik dié lieflike, natuurlike produk al jare lank. Dit skuim effens, vat nie nonsens van vuil skottelgoed nie en ruik na lemoen. Dit werk sagkens met jou hande en is selfs geskik vir mense wat met ekseem sukkel.

Prys R52 vir 750 ml

Platteland sê

Die tuisgemaakte poeier werk goed en is goedkoop en vinnig om te maak – pak ’n flessie in jou rugsak as jy op ’n staptog gaan. Ek verkies egter steeds skuimbolle en ’n lekker geur as ek skottelgoed was.