RESEP #3

Vetvreter vir skottelgoed

JY BENODIG

• 1 koppie (250 ml) growwesout • 1 koppie (250 ml) koeksoda

SÓ MAAK JY

Meng die bestanddele en bêre dit in ’n lugdigte donker skudfles ( shaker). Ek het ’n dik laag hiervan gestrooi in ’n gietysterpan waarin ons die vorige aand varktjops gebraai het en dit 10 minute laat staan. Die vet het met die koeksoda gereageer en klein borreltjies gemaak. Ek het dit eenvoudig met kombuispapier afgevee en die pan saam met die res van die skottelgoed gewas.

UIT DIE WINKEL

Enchantrix Drains, Grease, Odours Enchantrix se reeks puik gekonsentreerde produkte word plaaslik en van organiese bestanddele gemaak. Jy kan hierdie wondermiddel verdun om hardnekkige vet op skottelgoed op te los, of net so gebruik om geblokte afvoerpype reg te ruk. Die skadelose bakterieë daarin bevorder boonop gesonde waterstelsels.

Prys R99 vir 500 ml

Platteland sê

Die tuisgemaakte vetvreter is een van die doeltreffendste en bekostigbaarste produkte wat ons getoets het. Die Enchantrix-produk kos wel meer, maar is só veelsydig en doeltreffend dat ek voortaan altyd ’n botteltjie in my kas gaan hou.