RESEP #7
Badkamerentoiletreiniger
Spotless se resep sal jou bad en toilet kiemvry hou sonder enige giftige walms.
JY BENODIG
• sitrusskilasyn (resep op bl. 114) • waterstofperoksied (3%-oplossing)
SÓ MAAK JY
Gooi die sitrusskilasyn in ’n spuitkannetjie en spuit die toilet en bad daarmee. Spuit daarna skoon waterstof peroksied op die toilet en in die bad en vee dit ná ’n paar minute met ’n lappie af. Onthou om waterstofperoksied in ’n donker botteltjie te hou, anders gaan die werking verlore. (Moet ook nie die twee middels in een bottel meng nie – dit sal mekaar se werking uitkanselleer.)
UIT DIE WINKEL
Bloublommetjies kloof Herbal Sanitiser and Loo Cleaner Dié baie ekonomiese kruie-ontsmettingsmiddel word van 100% organiese, bio-afbreekbare bestanddele gemaak en hou geen nadele vir jou gryswaterstelsel in nie. Omdat dit nogal loperig is, moet jy dit eerder op ’n lappie gooi en dan aansmeer.
Prys R24 vir 500 ml