RESEP #10

Ruit-en-spieëlwasmiddel

Danksy dié resep van Spotless het ons ruite en spieëls behoorlik geskitter.

JY BENODIG

• 1 koppie (250 ml) sitrusskilasyn (resep op bl. 114) of waterstof peroksied • ’n knypie mielieblom

(opsioneel)

SÓ MAAK JY

Meng ’n koppie water met die koppie sitrusskilasyn en gooi dit in ’n spuitkannetjie. Jy kan ook ’n bietjie mielieblom by die asynmengsel gooi wat sal sorg dat daar geen merke op die ruite agterbly nie. Anders kan jy eenvoudig waterstof peroksied direk uit ’n kannetjie op ruite en spieëls spuit en dit dan met koerantpapier blinkvryf.

UIT DIE WINKEL

Truth Glass and Surface Cleaner Dié produk in ’n nuttige spuitkan het ’n vars sitrusreuk en werk net so goed, indien nie beter nie, as die bekende kommersiële produkte. Ons glasblaaie, spieëls en vensters was skitterblink sonder enige vryfmerke. Prys R47 vir 800 ml

Platteland sê

Albei is ekonomiese keuses, en albei werk regtig uitstekend.