Groen & goud

Voeg heilsame warm speserye by die vars blareoes uit jou herfstuin en jy het ’n wenkombinasie!

Hoenderkerrie met spinasie

Hier is ’n vinnige, maklike en ekonomiese hoenderkerrie.

Genoeg vir 4 Bereidingstyd 15 minute Gaarmaaktyd 12 minute

JY BENODIG

• 4 vryloop-hoenderborsies (sonder vel) • 2 teelepels (10 ml) Ina Paarman se Suurlemoen-en-swartpepergeursel of Masalaspeserye • 1 koppie (250 ml) warm water • 1 eetlepel (15 ml) Ina Paarman se Hoenderaftrekselpoeier of 2 x 25 g Ina Paarman se Vloeibare Hoenderaftreksel • 1 ui, gekap • 1 groot bossie spinasie, fyngesnipper • 1 sakkie (200 ml) Ina Paarman se

Tikkakerrie-coat & Cook-sous • ½ koppie (125 ml) vars room

of klappermelk • ½ pakkie (15 g) vars koljanderblare

SÓ MAAK JY

Geur die hoender met Suurlemoen-en-swartpepergeursel. Skink die water in die pan en voeg die Hoenderaftrekselpoeier of -vloeistof plus die ui by. Pak die hoenderborsies in ’n enkellaag op die ui en sit die deksel op. Verhit die pan tot kookpunt en prut die mengsel vir 3 minute. Draai die borsies om en kook dit vir nog 3 minute. Skep die hoender met ’n gaatjieslepel uit en laat dit eenkant rus.

Voeg intussen die spinasie by die aftreksel en ui in die pan en kook dit sonder die deksel oor hoë hitte tot die spinasie verlep. Sny die hoenderborsies diagonaal in skyfies. Voeg die Tikkakerrie-cook & Coat-sous by die spinasiemengsel, voeg die hoender en room of klappermelk by en verhit alles saam tot deurwarm.

Garneer die pan met koljanderblare en sit dit dadelik voor.