Tuindagboek
Kom kyk na die kwekery wat ’n ganse ekostelsel is
Linda het die kwekery 28 jaar gelede begin met ’n bakkie, R20 000 spaargeld en ’n klein versameling bome wat sy en haar ma van saad gekweek het.
“Dit voel of ek gebore is om Random Harvest te vestig – dit was die wegspringplek vir my droom om Johannesburg in een groot inheemse paradys te omskep,” sê Linda. “Een tuin op ’n slag!”
Nadat die sink van ’n boorgat al haar spaargeld opgeslurp het, moes sy saans in restaurante werk om sakke, grond en twee werkers te bekostig. Sy het self al die steggies gemaak, saad gesaai en bome afgelewer. Linda reken die geluksgodin het vir haar begin glimlag die dag toe Jeffrey Mapila by haar begin werk. “Hy was só gretig om te leer en het inligting soos ’n spons opgeslurp,” sê sy. “Nadat ek 8 jaar lank plante slegs aan munisipaliteite en landskapargitekte verkoop het, kon ek die kwekery se deure vir die publiek oopgegooi.”
Inheemse plante vir Afrika!
Random Harvest se inheemseplantversameling staan reeds op meer as ’n duisend – en dit hou net aan groei. “Ons is toegewy om inheemse plante te verbou en pragtige tuine te help skep wat ook ’n tuiste vorm vir die dierelewe,” sê Linda. “Die manier waarop ons tuinmaak, het ’n regstreekse invloed op die omgewing rondom ons.”
Die lieflike grasveld op die plaas waarop Random Harvest geleë is, was 28 jaar gelede oortrek met swarten silwerwattels. Danksy die voortdurende uittrek van onkruid en indringers asook beheerde brande af en toe, floreer inheemse Hoëveldse grasse soos rooigras ( Themeda triandra), hartjiesgras ( Eragrostis capensis) en dekgras ( Hyparrhenia anamesa) vandag hier. Wildemalva ( Pelargonium luridum), doringpapawers ( Papaver aculeatum) en bitterbos ( Chironia baccifera) het ook die laaste tien jaar begin kop uitsteek.
En dié plante het nóg nuwe intrekkers gelok: Die melkbos skoenlapper, brulpaddas, grasuil e, die kleinswartooievaar, wespedief (wat wêreldwyd baie skaars is ), krimpvarkies, rinkhalse en swartkwasmuishond e noem dié gesonde ekostelsel nou hulle huis.
Droomverlore tussen die bome
Kom doen gerus die boomstaproete: Die lebombotrosblaar ( Terminalia phanerophlebia), breëblaarkoraalboom ( Erythrina latissima), dopperkiaat ( Pterocarpus rotundifolius), syboom ( Vachellia rehmanniana) en tambotieboom ( Spirostachys africana) is van
KLOKSGEWYS VAN HEEL BO Die rooi-enwit Pylgif ( Adenium obesum) is ’n vetplant wat goed aard in ’n pot. Onthou net, die sap van dié plant is giftig; Sondagsrokkies migreer in die lente duisende kilometers tussen Europa en Afrika; Random Harvest voel meer na plaas as ’n kwekery; Die rooiwangmuisvoël is een van 156 voëlspesies by Random Harvest; Linda saam met Mercy Ramagalela wat help om saad te versamel en plant. die bome wat jy raakloop. Op dié roete van 2 km sien jy ook binne 2½ uur heelwat van die 156 voëlspesies wat al by Random Harvest aangeteken is.
WAAR? Op die Kontikipad buite Muldersdrift (aanwysings op die webwerf ). KONTAK randomharvest.co.za 082 553 0598