Kyk, doen, eet en slaap
Moffat-museum
Ná 1980 is die geskiedkundige geboue van die Moffat-sendingstasie gerestoureer en vir toeriste oopgemaak. Hier kan jy in die spore van David Livingstone kom loop en meer uitvind oor wat die sendelinge Robert en Mary Moffat gedoen het in die 50 jaar wat hulle by die sendingstasie was. Robert het onder meer die Bybel in Tswana vertaal en gedruk op die sendingstasie se eie drukpers wat van Amerika af ingevoer is.
083 604 0804
Die Geel Kombuis
Hierdie plekkie, geleë in Kuruman se noordelike buurt, is iets tussen ’n koffiewinkel en padstal. Buiten koffie en ligte etes is hier ook heelwat handgemaakte produkte. En elke dan en wan hou hulle ’n aandmark – dan kom verkoop die omgewing se mense allerhande interessante dinge wat hulle self gemaak het.
Die Geel Kombuis 083 458 7310
Klipwerf-gastehuis
Die gastehuis is in die hoofstraat, skuins oorkant die Spur. Die kamers is baie netjies en het lugreëling, én jy kan etes bestel. Hier is ook braaiplekke en ’n swembad. klipwerfguesthouse.co.za 053 712 0932 of 082 229 0373