Spinasie-enkekerertjieslaai
Genoeg vir 6 Bereidingstyd 10 minute Gaarmaaktyd 15 minute
Hierdie slaai kan jy warm óf teen kamertemperatuur voorsit. Dis ’n uitstekende ligte ete op sy eie, maar sal ook goed afgaan as bykos vir geregte soos geroosterde hoender. Óf skep dit in sagte oondgebakte patats.
JY BENODIG
• 2 eetlepels (30 ml) olyfolie • 1 ui, fyngekap • 2 knoffelhuisies, fyngedruk • 1 rooi soetrissie, gekap • 1 teelepel (5 ml) gerookte paprika • 1 blikkie (410 g) kekerertjies, gedreineer • 150 g chorizo, gekap • 4 groot hande vol spinasie • 2 eetlepels (30 ml) gerasperde parmesaankaas
SÓ MAAK JY
Verhit die olyfolie in ’n groot pan en soteer die ui vir 5 minute. Voeg die knoffel, soetrissie, paprika, kekerertjies en chorizo by en roerbraai dit vir 510 minute tot geurig.
Haal die pan van die plaat af, roer die spinasie deur en geur dit na smaak met sout. Sit die deksel op en laat dit staan totdat die spinasie verwelk. Sprinkel die parmesaankaas oor. >