Adele en Jaco van der Berg
Eienaars van The Thirsty Walrus-drankwinkel en Algemene Handelaar, en mede-eienaars van The Cat & The Cow
Die Van der Bergs, hier saam met Jaco se jongste seun, De Wet (18, regs), het die winkel en drankwinkel in April laasjaar by Jaco se suster gekoop wat Engeland toe verhuis het. “Ons het op Umkomaas in Kwazulunatal gewoon en albei vir Sappi gewerk – Jaco as takelaar en ek as ingenieursbeplanner. Ek spot altyd en sê ek het die korporatiewe lewe prysgegee om Chappies te kom verkoop. Ja, dis die topverkoper in die winkel – 600 per week! Die skuif was wonderlik, want ek en my man het verby mekaar begin lewe. Nou bly ons sommer reg langs die winkel, waar Jaco ook begin karre regmaak het. Hier kan jy nie met net een besigheid aan die gang bly nie; jy moet die heeltyd ekstra goedjies doen.”