Mark Kom kry vars lug en vars produkte by Fourways se plaasmark
Op Sondaed mikk tallell van died Goudstaddd se kkajuitkoorslyerskl Montecasino toe – nie noodwendig om te dobbel nie, maar op soek na ’n stukkie plattelandse plesier in die buitelug: die Fourways Farmers Market.
Is jy keelvol van politici en misdadigers se euwels? Soek jy naarstig na bewyse dat die reënboognasie nog lank nie sy laaste asem uitgeblaas het nie?
Sit dan op ’n Sondag af na die Fourways Farmers Market, want hier sal jy haas elke kultuur en kleur aantref, harmonieus aan ’t koop en eet, klets en kuier, drink en speel. By tafels. In stil, skaduryke sithoekies. Op strooibale of houtbankies en stompe onder ’n dak van ou dennebome. By die tamaai speelterrein vir kinders. By die skemerkelkiekroeg. Of maak soos die moeës, luies en lammes en vly jou sommer lankuit neer op die gras, op die naat van jou rug...
Voor middagete sal jy gewoonlik gesinne en hulle vierbeenvriende hier aantref; ná middagete trek die blink vuurwaens en kwaaikat viertrekvoertuie in, die mense agter die stuur vars gestortengesonbril en reg vir ’n behoorlike regmakertjie ná ’n wilde nag op die dansvloer.
Hier is die kodewoorde immer vars en handgemaak – of jy nou na die brood of suiwel, bier of borrels, charcuterie, ingemaakte goed, gebak of kos uit elke uithoek van die aarde verwys.
En daar is meer as 100 stalletjies. Plus ’n reënboog van vrolike SuidAfrikaners. Maak ’n draai. Smoor jou bitterbekkigheid in die kiem. Die lewe is kort en hier veral ook lékker.
• Die mark word elke Sondag van 09:00 tot 16:00 op die hoek van William Nicolrylaan en Montecasinoboulevard gehou. ’n Farmers Pop Up Café & Bar word die meeste Vrydae van 15:30 tot 22:30 aangebied.