EK WIL OOK GAAN!

BESTE TYD: Die weer is heel jaar gunstig, maar die somer is droog en baie warm. Die reënseisoen is tussen Mei en September. Besoekergetalle is die hoogste in die Desembervakansie, en as jy gedurende hierdie tyd die Sederberge wil besoek, sal jy ver vooruit moet bespreek. VOERTUIG: Oor die Nieuwoudtspas en tussen Jamaka en Matjiesrivier het jy nie ’n 4x4 nodig nie, maar wel tussen Matjiesrivier en Wuppertal. Laestrek word aanbeveel as jy die Doringrivier wil oorsteek, maar as die rivier ná swaar reëns sterk begin vloei, is dit nie moontlik om hom oor te steek nie. Vind by inwoners uit oor die rivier se vlak voordat jy dalk die 30 km van die Biedouw se afdraai tot by die rivier verniet ry. VOORRAAD: As jy selfversorgend kamp, is die naaste supermarkte in Citrusdal en Clanwilliam. Die meeste van die kampplekke het klein winkeltjies met basiese voorraad. BRANDSTOF: Beskikbaar in Citrusdal, Clanwilliam en Ceres. ’n Vol tenk is genoeg om die roete in die artikel te voltooi.