DIE REGTE KAMERA

Daar is hoofsaaklik twee soorte kameras op die mark – een wat ’n standaard wit stroboskopiese lig gebruik (soos die flits op jou kamera, die Engelse praat van strobelighting), en dié wat infrarooi lig (IR) gebruik.

Albei het voor- en nadele wat jy teen mekaar sal moet opweeg. Die beeldgehalte van stroboskopiese flits-eenhede is uitstekend – die foto’s is skerp en kleurvol. Maar die wit lig gaan meer diere afskrik en wegjaag as die infrarooi lig.

IR-eenhede lewer weer onduidelike swart-en-wit foto’s ná donker, wat dit moeilik kan maak om sommige van die diere te identifiseer.

Dit kan egter snags video-opnames maak, wat die stroboskopiese flits-eenhede nie kan doen nie, en die IR-kameras sal nie sommer skugter diere wegjaag nie.