BOSKALENDER
Kom 4x4 by die KKNK!
APRIL DUST SERIES
Waar: Wes-Kaap, Gauteng, Vrystaat en Mpumalanga Wanneer: April tot November Hoekom jy moet gaan: Die Dust Series is ’n 4x4uitdaagreeks wat vanjaar groter as ooit is en nou 10 kwalifiserende uitdunne in 4 provinsies het. Die eerste uitdagings vind plaas op 1 April in die Wes-Kaap en Gauteng en daaropvolgende rondes vind plaas in Mei, Junie, Julie en September voor die groot finaal van 24 tot 29 November in die TankwaKaroo plaasvind. Die reeks sal jou 4x4vernuf in ’n verskeidenheid terreine en tegniese uitdagings toets. Meer inligting: www.dustmedia. co.za of Dust Media op Facebook.
WILDEBEEST 4X4 CHALLENGE SERIES
Waar: Wes-Kaap Wanneer: April tot Desember Hoekom jy moet gaan: Die Wildebeest Challenge Club is ’n organisasie sonder winsoogmerk wat deur die jaar ’n reeks 4x4-uitdagings in die Wes-Kaap aanbied. Daar is sewe verskillende klasse wat standaardvoertuie, aangepaste voertuie en selfs pypkarre insluit. Die byeekoms bly groei en daar is tussen 30 en 40 deelnemers en sowat 650 toeskouers by elke byeenkoms. Meer inligting: www.4x4wcc.co.za/#events
WINDPOMP-FEES
Waar: Naboomspruit Wanneer: 27 tot 29 April Hoekom jy moet gaan: Hierdie jaarlikse fees is propvol aktiwiteite, van ’n lang lys gaskunstenaars, soos Andries Vermeulen en Adam Tas, tot kosstalletjies, uitstallings, ’n ploegkompetisie, ’n mini-sirkus en ’n 4x4-uitdaging. Meer inligting: www. windpompfees.co.za
BLOEMSKOU
Waar: Bloemfontein-skouterrein Wanneer: 27 April tot 7 Mei Hoekom jy moet gaan: Hierdie is ’n bielie van ’n fees met meer as 400 uitstallers, 30 kosstalletjies, musiekvertonings, perd-, skaap- en beeskampioenskappe, en natuurlik ook ’n 4x4-hindernisbaan. Bring die familie, want hier is baie om te sien en doen en hope tyd daarvoor ook, want die fees duur ’n hele 10 dae! Meer inligting: www. bloemskou.co.za
MEI OUTDOOR X
Waar: Malonjeni-gasteplaas, Vereeniging Wanneer: 27 en 28 Mei Hoekom jy moet gaan: Die skou fokus op alles wat met die buitelewe te doen het en bied iets vir almal, of jy nou lief is vir kampeer, jag, visvang, boogjag of natuurlik 4x4-ry. Benewens die uitstallings is daar ook musiekoptredes, hope stalletjies en aktiwiteite vir kinders. Meer inligting: www. outdoorx.co.za