EK WIL OOK GAAN!
Naaste dorp: Hartebeespoort. GPS: S25.669651, E27.946093
Hoe lyk die roetes? Die wildkykroete is meestal ’n maklike tweespoorpad deur die Magaliesberge met hier en daar ’n hindernis wat jy kan ry as jy wil. Die 4x4-baan is ’n reeks uitdagende hindernisse waarvoor jy ’n voertuig met laestrek, agterste ewenaarslot en verkieslik onderstelbeskerming moet hê. Die 4x4-oefenbaan is ’n maklike reeks hindernisse wat van beton gebou is. Hier kan jy opdraandes, afdraandes, asknopers en waterkruisings in ’n veilige, nagemaakte omgewing oefen. Sien dié roete by www.tracks4africa.co.za.
Het ek ’n 4x4 nodig? ’n Nutsvoertuig of bakkie met goeie grondvryhoogte sal deug op die wildkykroete, maar jy’t laestrek, ’n agterste ewenaarslot, goeie naderings- en vertrekhoeke en senuwees van staal nodig vir die 4x4-baan. Waar kan ek bly? De Wildt-4x4-wildpark het ’n lang lys verblyfopsies, van ’n kampeerterrein tot een-, twee- en drieslaapkamerselfsorgeenhede. Jy kan selfs ’n klein “tentdorp” met 10 tente en sy eie lapa, boma, braaiplek en swembad huur.
Wat kan ons nog doen?
Koste: Dit kos R120 per persoon per nag in die kampterrein en jy betaal R120 vir die staanplek. Pryse vir die selfsorgeenhede wissel van R250 tot R1 700. Die tentdorp kos R8350 per nag. Gesels ook met De Wildt oor hulle ander verblyfpakkette waardeur jy ’n kombinasie van tente, selfsorgeenhede en lapas kan huur. Kontak: 083 268 8185; 083 253 4641;
info@dewildt4x4.co.za; Facebook: De Wildt Trail.