SLAAN JOU TENT HIER OP

Daar is ’n magdom selfsorg-verblyfopsies in Magoebaskloof, maar net ’n handjievol kampeerterreine. Elke terrein bied egter iets anders en daar is dus ’n gepaste plek vir elke tipe kampeerder. Hier is ses opsies om van te kies:

1 MAGOEBASKLOOF GETAWAY

Hier is 10 staanplekke (10m x 10m), elk met ’n braai, kraan en kragpunt. Sommiges is onder skadubome.

Hoekom hier kamp? Daar is twee visvangdamme onder die kampeerterrein vir die eksklusiewe gebruik van inwoners (geen dagbesoekers word toegelaat nie). Meer inligting: www.campingsites.co.za

2 MAGOEBASKLOOF MOUNTAIN LODGE (OOK BEKEND AS DIE RUSKAMP)

Hier is ses kampplekke met kragpunte, skadu en gemeenskaplike ablusies.

Hoekom hier kamp? Hierdie oord reg langs die hoof-teerpas het ’n swembad, putt

putt- baan en ’n restaurant wat dit ’n goeie opsie maak vir die hele familie. Meer inligting: www.magoebaskloofruskamp.co.za

3 ZWAKALA RIVER RETREAT

Hierdie afgeleë kampplek op die oewer van die Broederstroomrivier kan tot 16 mense huisves. Dit het ’n binnenshuise kombuis met ’n kaggel, ’n groot buitebraai en ’n buitelugstort met warm water.

Hoekom hier kamp? Dit is ’n private kamp, so jy kry die uitsluitlike gebruik daarvan wanneer jy hier kampeer. Meer inligting: www.zwakalaretreat.co.za

4 CORAL TREE CAMP

Hierdie is ’n baie netjiese kampplek wat tot 8 mense kan huisves. Dit het ’n kombuis, ’n binne- en buitebraai, ’n plonspoel en ’n oop badkamer wat oor die woud uitkyk. Hoekom gaan? Hierdie eksklusiewe kampplek aan die bokant van ’n steil heuwel kan net met ’n 4x4 bereik word, so as jy hier bly is die uitsig jou eie. Meer inligting: www.theherbcottage.co.za/ coral-tree-camp

5 SILVER MIST RESORT

Hierdie oord het vyf permanente tente met beddens en 30 kampplekke (met krag) op die rivieroewer.

Hoekom hier kamp? Jy is so naby aan die rivier jy kan feitlik vanuit jou tent visvang. Jy kan ook begeleide perderitte van hier af in die omliggende berge onderneem. Meer inligting: www.silvermistresort.co.za

6 BALI WILL WILL

Hierdie kampterrein net buite Haenertsburg het 20 kampplekke met kragpunte en gemeenskaplike ablusies. Sommige is onder skadubome.

Hoekom hier kamp? Dis gerieflik naby aan die dorp en dis ’n goeie plek om te bly gedurende die dorp se jaarlike feeste. Meer inligting: baliwillwill@gmail.com