Tem die groot­pra­ters

Weg! Ry & Sleep - - REDAKTEURSBRIEF -

Ons al­mal ken daar­die een ou wat so lief is om te spog. Dis dalk jou buur­man, jou kol­le­ga of jou swa­er, maar al­les wat hy be­sit, be­leef en be­reik het, is nou maar een­maal net be­ter as jou­ne.

As jy oor jou ry­ding se brand­stof­ver­bruik ge­sels, maak hy jou vin­nig wys sý­ne is lig­ter op die­sel as jou­ne. As jy noem hoe­veel per­de jou bak­kie nou het na­dat jy hom ge-chip het, praat hy jou stil om­dat jy die ver­keer­de

chip by die ver­keer­de ou laat in­sit het. As jy ’n bie­tjie wil spog met jou klein­kind se mooi rap­port, on­der­breek hy jou met ’n sto­rie oor sý klein­kind wat nou vir dok­ter swot.

Hy ge­dra hom na­tuur­lik die­self­de as jul­le oor va­kan­sie­plan­ne ge­sels. As jy uit­ein­de­lik jou staan­plek op Har­ten­bos be­spreek het, het hy al maan­de te­rug die de­po­si­to vir sy staan­plek teen Har­ties se strand be­taal. As jy ge­reed is om Sa­ni­pas op jou em­mer­skop­lys dood te trek, is sy goed­jies ge­pak vir Van Zyls­pas... nog­al met ’n bos­wa op die haak.

Só ie­mand het die ver­moë om die wit­warm waks uit jou uit te ir­ri­teer. Maar ek het raad... en ons het al die werk vir jou ge­doen. Ek kan jou am­per waar­borg Me­neer Groot­praat kon nog nie die moed by­me­kaar­skraap om op sy eie die pad na die noor­de van Botswa­na aan te durf om die Khwai-konsessie te gaan ver­ken nie. Dalk as deel van ’n toer­groep, maar be­slis nie op sy eie nie.

Hier kan jy hom voor­spring: Ons was daar en het met 28 wen­ke te­rug­ge­kom vir jou droom­reis na dié be­koor­li­ke be­stem­ming. Die ge­not van buur­man se do­sis on­ver­dun­de ja­loe­sie is op ons.

Gaan loer dus op bl. 50, spring aan die werk, en ver­tel my ( schalk.jon­ker@ me­dia24.com) hoe die reis ver­loop het. Én hoe groen jou swa­er was.

Vei­li­ge reis.

RE­DAK­TEUR

Newspapers in Afrikaans

Newspapers from South Africa

© PressReader. All rights reserved.