Sherpa uitgevoer Australië toe

Die eienaars van Caravan Xpress, ’n Australiese woonwahandelaar, het Sherpa Leisure genader om van sy produkte in te voer en Doer Onder te verkoop. Sherpa Leisure bou onder meer die bekende Tiny- en Rambler-modelle en sy waens is gemik op kampeerders wat ’n klein veselglaswoonwa verkies.

Neville de Meillon, eienaar van Sherpa, sê Caravan Xpress is nou die alleenverspreider van hulle produkte in Australië, en die Sherpa trek klaar groot aandag.

Die plaaslike Sherpa word in een stuk uitgevoer, maar sonder kragproppe of ’n ys-vrieskas. Caravan Xpress rus die wa dan toe met sy eie plaaslike ys-vrieskas en sit ook proppe in wat in Australië gebruik word.

Kontak 011 452 8188; neville@sherpaleisure. co.za ; sherpaleisure. co.za >