Uiteindelik, die nuwe Pajero Sport
Die langverwagte Pajero Sport het uiteindelik sy opwagting in Suid-Afrika gemaak. Ons moes twee jaar wag, want die rand het swak gepresteer teenoor ander geldeenhede en Mitsubishi Suid-Afrika wou nie die nuweling teen ’n onmededingende prys invoer nie.
Die 2017 Pajero Sport is toegerus met Mitsubishi se nuwe Super Select 4-II-viertrekstelsel wat beloof om voort te bou op die maatskappy se agtenswaardige veldryvermoë. Die vorige 3.2-turbodiesel (120 kW, 343 Nm) is vervang met ’n kleiner maar sterker 2.4 D4 MIVEC-turbodiesel wat 133 kW krag lewer teen 3 500 r.p.m. en 430 Nm wringkrag teen ’n taamlik lae 2 500 r.p.m. ’n V6-petrol- en 2.5-dieselmodel is in oorsese markte beskikbaar, maar Suid-Afrika gaan slegs die 2.4 kry.
Die Pajero Sport is beskikbaar in twee- én vierwielmodelle en albei het ’n 8 spoedoutomatiese ratkas wat in sportmodus gebruik kan word deur ratwisselpedale te tik.
Die nuwe bakwerk rus op ’n leerraamonderstel en onafhanklike vering met kronkelvere en stabiliseerstawe op albei asse. Dié opdatering lewer ’n beter rit as tevore en vergelyk goed met mededingers soos die Ford Everest en Toyota se Fortuner.
wissel van R569 995 vir die tweewielaangedrewe Pajero Sport tot R599 995 vir die viertrekweergawe.