WANNEER MOET EK GAAN?
1 Wag tot die watervlakke daal
Die noorde van Botswana kry gewoonlik tussen Januarie en Maart – en selfs tot laat in Mei – baie reën, wat moerasagtige gebiede soos Khwai in nat jare byna ontoeganklik kan maak. Die beste tyd om te gaan is tussen Junie en September, vóór die weer ondraaglik warm word.
2 Vermy skoolvakansies
Khwai het ’n paar jaar terug al sy status as “versteekte skat” verloor. Deesdae is die kampplekke in die Suid-Afrikaanse winter- en lenteskoolvakansies stampvol. Bespreek dus vóór of ná die tydperk 22 Junie tot 17 Julie en 28 September tot 9 Oktober 2018.