Kamp in die Bitouvallei waar die natuur jou inspireer
Hierdie tydelike kampplek in die hart van die Bitouvallei naby Plettenbergbaai is spesiaal ontwerp om by die omgewing in te pas en bied ’n unieke ervaring in die natuur.
Geniet ’n gesinswegbreek waar jy nie ’n vinger hoef te verroer nie – jy kan net ontspan en die omgewing rondom jou indrink. Jy bly in ’n beskutte luukse tent in ’n oeroue woud. Die kos wat jy eet, kom uit die omgewing en word langs die rivier gemaak en voorgesit. Stap, roei, ry fiets en kyk voëls saam met ’n gids of ontspan net en herlaai jou batterye in hierdie mooi hoekie van ons land.
DIE VOLGENDE AKTIWITEITE IS INGESLUIT BY DIE PRYS*
• Twee gesonde etes per dag, berei deur ons boskokke. • ’n Begeleide kano-uitstappie op ’n rivier in die omgewing. • ’n Begeleide kusstap. • ’n Begeleide uitstappie na die Knysnawoud in ’n konsessiegebied van die Tuinroete- nasionale park. • Die kamp het sy eie bergfietse en kajakke wat gaste kan gebruik. • Hier is ’n voëlskuiling naby die kamp vir skemerkelkies en fotografie. Die volgende aktiwiteite is opsioneel en nie ingesluit by die prys nie, maar ’n bekostigbare pendeldiens kan gereël word – bespreek vooraf. • ’n Uitstappie na Plettenbergbaai. • ’n Rit op die Keurbooms
rivierpont. • Stand-up paddling- en branderplanklesse. • Rekspring van die
Bloukransbrug af. • ’n Verskeidenheid ander
aktiwiteite.
PRYS
R1 980 p.p.p.n. wat deel, aandete en ontbyt ingesluit (halfprys vir kinders o.10). Enkelreisigers betaal 30% ekstra. Dié intieme kamp is klein; bespreek vroegtydig om jou plek te verseker.
* ’n Minimumverblyf van 3 nagte word vereis.