Woonwaens lóóp in Turkye
Al is ons nie heeltemal vertroud met name soos Basoglu, Saly, Erba en Pino nie, maak van dié Turkse woonwavervaardigers gereed vir ’n oplewing in die mark ná die verwoesting wat die koronavirus wêreldwyd gesaai het.
Volgens die Indiese TV-kanaal World is One News verkoop woonwaens tans soos soetkoek in Turkye, soveel so dat hulle verkope met 50% opgeskiet het vergeleke met Maart se syfers. Die uitvoer van waens na lande soos Noorweë en Suid-Korea is ook 60% op.
Dit blyk die Turke het nou lank genoeg by die huis gesit. Hulle gaan die kampplekke binnevaar terwyl daar nog ’n verbod is op internasionale en plaaslike vlugte. >