Korrel nou mooi...
LAMSKERRIEPOT MET KLAPPERRYS
Met ’n alles-in-een potjie soos dié is opskep omtrent verspotmaklik. (genoeg vir 6)
2 eetlepels olie
1 kg lamsboud, in blokkies van
3 x 3 cm gesny
1 ui, fyngekap
2 selderystele, fyngekap
2 wortels, fyngekap
25 g Rogan Josh-kerriesmeer (ons het Woolworths s’n gebruik) 1 blik (400 g) gekapte tamatie 2 koppies vleisaftreksel
1 koppie langkorrelrys
1 teelepel mosterdsaadjies
’n paar kerrieblare (opsioneel)
1 klein blikkie (165 ml) klappermelk 1 blik (400 g) kekerertjies, gedreineer
1 Verhit die olie in ’n platboompot en braai die vleis in sarsies mooi bruin. Skep die vleis uit sodra al die blokkies goed gekaramelliseer het, en braai dan die groente tot glansend. Skep die vleis terug in die pot saam met die kerriesmeer, tamatie en 1 koppie aftreksel. Sit die deksel op die potjie en prut dit rustig vir minstens 2 uur met net ’n paar kooltjies onder en bo-op die pot.
2 Stoom die rys volgens die aanwysings op die pakkie – voeg die mosterd en kerrieblare aan die begin by die water. Wanneer die rys halfgaar is, dreineer en meng dit met die klappermelk.
3 Roer die kekerertjies by die vleispot en kyk of die mengsel vir jou souserig genoeg is – indien nie, voeg nog 1 koppie aftreksel by. Geur dit na smaak met sout en varsgemaalde swartpeper.
4 Skep die klapperrys bo-op die vleis, sit die deksel terug en stoom dit weer met ’n paar kooltjies bo-op en onder die potjie vir nog 20-30 minute. Sit dit voor met tamatie-en-uieslaai.
Dit belangrik om aan kitskerriesmeer te proe voor jy dit byroer – om seker te maak die hitte is na jou smaak. Kies ook ’n handelsnaam wat jy vertrou. 1 Vryf
1 Meng al die bestanddele vir die marinade saam en giet dit oor die hoender. Laat dit vir sowat 1 uur eenkant staan om te marineer terwyl jy die vuur aansteek – jy gaan matige kole nodig hê.
2 Ryg die hoender, uieblare en soetrissieblokkies om die beurt op houtstokkies wat in water geweek is (dit keer dat die stokkies vlamvat oor die kole).
3 Braai nou die hoender rustig oor matige direkte kole. Wees baie versigtig en maak seker jy brand nie die hoender nie – onthou, daar’s suiker in die marinade.
4 Verf elke nou en dan van die ekstra marinade oor die hoender en onthou om dit iewers te geur met sout en peper na smaak. Braai dit totdat die hoender gaar is met ’n lekker bros, vlamgeskroeide buitekant.
Die marinade neig na die soet kant. As jy hou van ’n byt, oorweeg ’n sterker masala of kerriepoeier.