C. Johan Bakkes
Warmste of koudste plek? Ek hou meer van die woestynwêrelde, maar tussen dié twee kies ek die koudste. Rusland is ’n ongelooflike land met ongelooflike mense.
Professor, ouditeur, skrywer, avonturier... dra verskeie hoede. In sy nuwe en sewende boek,
vertel hy van twee merkwaardige reise, na Ethiopië en Rusland.
Wie dink jy sal die boek geniet? En wie moet eerder verby hou? Die leser wat hou van die “anders” en die lewe in al sy fasette verstaan, behoort die boek te geniet. Los maar as ’n kragwoord hier en daar jou gaan laat ril.
Jou pa, Cas, is onlangs oorlede. Wat was sy invloed op jou vormingsjare en jou skryfwerk? My pa was ons grootste held. Met sy agtergrond as krygsgeskiedkundige en soldaat het hy my geleer van avontuur, reis, die natuur en die vertel.
Wat is die lekkerste daarvan om saam met reisgenote te reis? Reisgenote wat jou verstaan en nie omgee vir ’n bietjie ongerief nie, sal jou beskerm en jou ruimte binne die saamreis gee.
Alleenreis se voordeel is jy hoef niemand in ag te neem nie en jy kan op die ingewing van die oomblik in enige gat kruip.
Jy gaan soek graag die ste-ste plekke. Wat is die verveligste plek op aarde? Midde enige “amptelike” vergadering soos kerkraad-, fakulteitof senaatsvergaderings.
Wat is die beste reisraad wat jy nog gehoor het? Die straf vir deur-die-***geit is die dood.
Wat is jou raad aan ’n jong reisskrywer wat graag wil boeke publiseer? Reis jou malle verstand af en gaan bedel met jou geskriffies by al wat ’n tydskrif is totdat jy selfvertroue het. Dan gaan praat jy met ’n uitgewer.
Wat is van jou gunsteling-reisboeke van alle tye? Drie swerwers in Suidwes (W.A. de Klerk); The Adventures of Tintin (Hergé); Dark Star Safari (Paul Theroux); McCarthy’s Bar (Pete McCarthy).
Watter reise lê vir jou voor in die nabye toekoms? Ek en my reismakker Kalie Kirsten is op pad na die mees ekologies opgeneukte plek op aarde: die Aralsee by Kasakstan. Dié meer is verniel deur menslike inmenging en het gekrimp tot ’n fraksie van sy oorspronklike grootte.
Openbaring (Queillerie) kos R240 in boekwinkels.
– Erns Grundling >