TREK HIER AF
1 SWENK WEG
Volg uitgang 107 (na HowickNoord en Tweedie) van die N3 af, draai links by die kruising op die R107 en regs by die T-aansluiting op die R103.
Sowat 3 km van die snelweg af het ’n belangrike stuk SuidAfrikaanse geskiedenis afgespeel: Dis presies hier langs die spoorlyn waar Nelson Mandela op 5 Augustus 1962 in hegtenis geneem is. Die Mandela Capture Site-gedenksentrum is hier opgerig.
Teen die pad staan ’n stuk of 50 smal staalplate soos ’n klossie bome bymekaar. Van hierdie hoek af lyk dit nie na veel nie, maar van die ander kant af gesien, beeld hierdie kunswerk van Marco Cianfanelli en Jeremy Rose Madiba se gesig uit.
Stap ’n draai deur die museum vol foto’s en vertellings uit Tata se lewe voordat jy die voetpad tot digby die gesig volg.
’n Groter museumkompleks met ’n amfiteater is in aanbou. Op die perseel is ook ’n winkel waar jy Madiba-aandenkings en -boeke kan aanskaf, sowel as die Truth Café met ligte etes. Maar byt vas... Wanneer? Daagliks van 9 vm. tot 4 nm. (Naweke: 8 vm.-4 nm.) Kontak 071 834 4349;
thecapturesite.co.za Die pikswart geverfde Steampunk Café reg langs die Thokans-vulstasie (2,1 km verder) is jou volgende stop vir ’n koppie koffie. En nie enige koffie nie – hiervoor word die bone van oral uit Afrika ingevoer en dan op die perseel gerooster en gemaal.
Dít alles gebeur onder die valkoog van die broumeester – ’n man met kraaghemp-en-das vir wie koffie ’n saak van erns is.