Namibië: Kaokoland en Etosha

TOERINLIGTING

2-14 Junie 2017

13 dae; 12 aande Usakos, Namibië.

Etosha, Namibië R17 945 p.p. (30% ekstra vir enkelbesprekings)

DIE TOERPRYS SLUIT IN ’n Toerleier en veldgids Alle verblyf Alle parktariewe Drie heerlike etes per dag Tweerigtingradio’s

WAARVOOR SORG EK? Kameratoerusting ’n 4x4 Brandstof Drankies en snoepgoed DIE TOER IN ’N NEUTEDOP Dag 1: Spitzkoppe Ons ontmoet by Usakos van waar ons voortry Spitzkoppe toe waar die instrukteur ’n vinnige inleiding tot fotografie gee.

Dag 2: Kaap Kruis Voor ontbyt is daar fotogeleenthede, en dan vertrek ons na die kus en verken Hentiesbaai en die Kaap Kruis met sy robbe.

Dae 3 en 4: Khowarib Ons ry verder noord langs die Skedelkus en neem ook in Damaraland foto’s. Ons bly twee aande by Khowarib en verken die omgewing.

Dae 5 en 6: Hoanibrivier Die volgende twee dae ry ons 4x4 in die Hoanibrivier en omgewing op soek na fotogeleenthede van veral die woestynolifante.

Dae 7 en 8: Epupawaterval Vandag is ’n lang dag tot by die Epupawaterval waar ons weer twee nagte vertoef. Ons kan die waterval met sonsondergang en -opkoms afneem en besoek ’n Himbastat.

Dae 9, 10, 11 & 12: Etosha (een nag by Olifantsrus & drie nagte Halali) Ons kry kans om Etosha se diere af te neem.

Dag 13 Huis toe Ná ontbyt is dit ongelukkig huis toe – hopelik net tot ’n volgende keer. EK IS ’N AMATEUR... Dit maak nie saak of jy en jou mik-en-druk nog huiwerig is en of jy al gekonfyt is nie; dié fototoer kan jou vaardighede slyp. Ons sal jou leer oor komposisie, beligting en ’n hele paar fototruuks wys – langs die pad of gesellig om ’n kampvuur.